نهاية جروحي عذابي قصة واقعية عشت احداثها "

انا من وين ما اجيبك تجيني يالحزن بعناد

طلبتك رخي شويا و يكفينا الم وسهاد

انا ابقلى مثل غير في تبريري و تفكيري

ولا ني مختلف يا ناس وشوفوا كل تعابيري

عسى هالوقت يفهمني

عساه يرضخ و يسمعني

ويعرف وش يبي قلبي

ولا كل مره يسفهني

الفصل الرابع

: ياحياتي والله وحشتيني

مشعل : اقول خلنا من غراميتك وانت ووجهك يالله نبي نطلع

فيصل : لحظة حياتي .. يا اخي انت ووجهك ما تعرف تسكت

مشعل : لا ما اعرف اسكت يالله قفل رفعتو ضغطي

فيصل : غيران منا رح شفلك خويه

ايوه حياتي هذا مشعلوه عارفته هو وازعاجه

: لا عادي

فيصل : طيب عيوني انا راح اقفل الحين عشان مشعل يبيني اطلع معه انتبهي لنفسك ولا توحشيني

: ان شاء الله وانت بعد انتبه لنفسك

فيصل : ان شاء الله باي عيوني

: باي

فيصل : والحين وقفلنا الجوال خير ايش تبي

مشعل : يا اخي انت متى تبطل هالسوالف

فيصل : اي سوالف حرام الواحد يحي

مشعل : لا مو حرام بس بعد الزواج مو يلعب على بنات الناس

فيصل : ومين قالك اني العب جد انا احبها وابي اتزوجها

مشعل : اها اذا كان كذا فمسموح بس لا تطول قصة الحب هاذي ترى ترفعون الضغط

فيصل : يا اخي وانت ايش حارقك ولا عشان مافي وحده تقبل بك

مشعل : لا بالله اصلا اللي تنال حبي تسجد لربها شكر

فيصل : اف اف اف ما اقدر على الواثقين شوف هو كل الناس ممكن يسجدوا شكر اذا انت حبيتهم وقدروا يجيبوا راسك الا وحده

مشعل : ومنوا هالوحده

فيصل : سمر

مشعل : يا ذي سمر اللي رجيتوا اهلي فيها .. بجد هاذي صحبتها نذله معقوله في وحده تغار من صحبتها لدرجة انها توزع ارقامها لشباب

فيصل : هاذي صاحبتها وحده خبله تحسب الناس كلها زيها .. بس بصراحه البنت هاذي نفسي احد يجيب راسها

مشعل : امممممممممم واذا جبتلك راسها

فيصل : اقول اسكت مابقى الا انت

مشعل : تتحدى

فيصل : اتحدى ونص

مشعل : اجل راح تشوف و بيننا الايام

فيصل : ايش ورانا ننتظر ونشوف

.................................................. ....................

في بيت ابو خالد

دانه بصدمه : مهند

مهند : ايه مهند ايش فيك اتفاجئتي

دانه : مهند مهند ما غيره ابو النود

مهند : ايه ماغيره ابو النود

دانه بفرح : هلا والله كيفك

مهند ارتاح من ردة فعلها واستانس كثير انها رحبت فيه : هلا فيك الحمدلله انا بخير انتي كيفك وكي ايامك

دانه : الحمدلله ماشي حالك

مهند : دندون وينك ما تنشافين وحشتينا

دانه ولاول مرة تحس نفسها تستحي من مهند : ما يوحشك غالي بس الظروف

مهند : دندون من يوم وفاة الوالد الله يرحمة وانا اسمع عنك اخبار شينه

دانه بحزن : الله يرحمه ماعليك من اللي تسمعه انا بخير

مهند : طيب دندون ايش رايك تطلعي معنا اليوم تغيري جو ما قالك فهد

دانه : الا قالي بس مالي خلق

مهند : يوووووووووه دندون عشاني

دانه استحت ومو عارفه ايش تقول الا وفهد يقاطعها

فهد : يالله دندون انا ماشي تامرين بشي

دانه انها لازم تهرب من مهند عشان مايلزم عليها ما تدري ليش حست نفسها مرة خجلانه منه رغم انها زمان كانت اكثر وحده ماخذه عليه : فهد هذا مهند على التلفون يبيك

فهد : طيب هاتي السماعه هلا مهند

مهند اتضايق من حركة دانه : هلا فهد

فهد : يا شيخ صراحه انا مااقدر لهاالدرجه وحشتك ومو قادر على فراقي ههههههههههههههه

مهند يبي يصرفها : ارحمني يا واثق لا بس ابيك تمرني الحين ترميني في طريقك على بيت وائل

فهد بس كذا من عيوني ياشيخ كم مهند عندنا

مهند : تسلم يالله انا تحت انتظرك باي

فهد : باي

دانه ما كانت تدري ليش قلبها كان يدق بقوة وخافت ان مهند يرجع يتصل ثاني بعد ما يروح فهد و اذا ما ردت راح يزعل خصوصا انها خلاص عرفته فقررت قرار خطير وما كانت تدري انها ورطت نفسها ورطة لا تحسد عليها

دانه : اقول فهد

فهد : نعم

دانه : ابي اروح معك نجيب امي

فهد : لا ما اصدق بسوي حفله دانه بتخرج من المعتكف لالالا ايش صاير في الدنيا

دانه : ماصار شي بس خايفه بروحي بجي معك

فهد : طيب يالله البسي لك خمس دقايق اسخن السيارة اذا ما نزلتي بروح واسيبك

دانه : طيب

دانه لبست على السريع برموده جينزوبلوزة لون بينك لانها من عشاق البينك وجزمه كيوت مره لونه بينك ورفعت شعرها الطويل ذيل حصان مرة كان شكلها طفولي لابعد حد وطلعت بسرعه شافت السيارة قدام البيت ويوم جات تبي تركب قدام لاحظت ان فيه احد مع اخوها بس كان معطيها ظهره وجالس يتكلم مع فهد استغربت بس سكتت وركبت ورى

دانه : السلام عليكم

الاثنين : وعليكم السلام

مهند : كيفك دندون

دانه اول ما سمعت صوته حست برجفه ياربي وراي وراي مو قبل شوي سألني في التلفون عن حالي ليش يسأل مرة ثانيه اففففففف: الحمدلله تمام وسكتت

مهند : الحمدلله انا بخير الله يسلمك

فهد : فطس ضحك هههههههههههههههههههه هو الواحد يسأل بالغصب كيفها ما تبي تعرف حالك

دانه حمر وجهها واستحت : ها معليش صح نسيت كيف حالك ؟

مهند : الحمدلله نسأل عنك

دانه : تسأل عنك العافيه

وسااااااااااااااد الصمت

.................................................. ........................

في بيت ابو علي

عبد المحسن : هلا والله وغلا وانا اقول البيت منور وراح يسلم على خالته

ام خالد : منور بأهله يا ولدي

عبد المحسن : كيفك ياخاله ؟

ام خالد : الحمدلله زينه انت كيفك يا ولدي ؟

عبد المحسن : بخير نسأل عنكم

وجدان بخبث طفولي : تسأل عنهم ولا تسأل عن حبيبة القلب

عبد المحسن بلا مبالاة : ايه اسأل عن حبيبة القلب وانتي ايش دخلك غيرانه

وجدان : ههههههههههههه انا اغار وعلى مين عليك كثر منها ياخي بس بقولك الحمدلله حبيبة القلب طيبة وتسلم عليك

عبد المحسن بإهتمام : جد جد تسلم علي

ام علي : طالعوا هذا بيستخف اقول اعقل ياولد عيب

عبد المحسن : ياويل قلبي يمه تعالي حطي يدك على قلبي اسمعيه كيف يناديها

ام خالد : اقول اعقل ياولد

عبد المحسن : اقول وجدان روحي اسألي سحورة ايش تحب تتعشى راح اعشيكم اليوم على حسابي

ام خالد : لا يا ولدي لا تتعب نفسك فهد في الطريق

عبد المحسن : لا ليش تو الناس بدري

ام خالد : بدري من عمرك بس لانه يبي يطلع مع اصحابه البر

عبد المحسن : اجل دقي عليه قوليله انا برجعكم

ام خالد : ياولدي مانبي نتعبك

عبد المحسن : تعبكم راحه

وجدان بمشاكسه : احم احم تعبهم راحه هاااا ولا عشان تكحل عينك بشوف بعض ناس

عبد المحسن : وانتي ايش دخلك يالله دقي عليه خالتي

ام خالد : ان شاء الله

.................................................. ..................

>>> تبع

محتـــــــاج حبك
وانت محتــــــاج حبي
إلى متى ؟؟
نكابر على حساب
الاشواق .......؟
إلى متى ؟؟
وانا أتخيلك جنبي .....؟
إلى متـــــــى ؟؟
و فراقنا ماله
فـــــــــــــــراق ؟؟

الفصل السابع :

الساعة ثنتين بالليل سمر نايمة في غرفتها هي وسحر والا يرن الجوال سمر وصوتها كله نوم بدون ما تشوف المتصل فتحت الخط
سمر : الو

مشعل : السلام عليكم

سمر على طول عرفت انه المزعج ما غيره : وعليكم السلام

مشعل : الظاهر ازعجتك شكلك نايمة

سمر واخلاقها في خشمها : طبعا ازعجتني ما تشوف كم الساعه احد يتصل في هالوقت

مشعل : يعني لو اتصل في وقت ثاني عادي

سمر : لا وقت ثاني ولا ثالث تراك طفشت اهلي يا اخي انت ما تفهم

مشعل : افااااااااااا ليش العصبيه الحين

سمر بجد عصبت : اقول خل عندك ذوق احسلك ولا عاد تتصل مرة ثانيه ولا والله لاعطي الجوال لاخوي واخليه يتفاهم معك بجد قلة ادب

وسكرة الخط في وجهه وهي عازمة بجد لو لتصل مرة ثانية انها تقول لفهد

سحر اللي صحت من صوت صريخ اختها : هاي انتي ايش فيك تصارخين

سمر : هذا واحد زفت له اسبوع مزعجني

سحر وراسها نوم : اقول نامي نامي بس تريك ازعجتينا

سمر : اف منك طيب يالله انخمدي بس

.................................................. .............................

راح للبحر وجلس يلفلف يلفلف وهو يفكر صدع راسه من كثر التفكير صارت الساعة ثنتين باليلي وهو مازال على حاله طرت على باله فكره وعلى طول توجه على بيت جدته ودق الباب فتحت جدته الباب واول ماشافت وجهه المعتفس وشكلها المقلوب انصدمت منه وخافت لا يكون صاير شي وقالت بدهشه : عبد المحسن

عبد المحسن سلم على جدته : كيفك جده ؟

الجده : الحمد لله بخير انت كيفك ياولدي ؟

عبد المحسن : الحمدلله تمام اقول بتخليني واقف كذا عند الباب

الجده : لالا اتفضل بس استغربت جيتك في هالوقت

عبدالمحسن بضيق : ابيك في موضوع مهم

الجده : خير ان شاء الله ايش صاير

عبد المحسن : الخير بوجهك ابي اكلمك على موضوع سحر

الجدة ابتسمت : ها نويت تخطب

عبد المحسن : ايه بس مو هي هاذي السالفه

الجدة : اجل ايش

عبدالمحسن : توفيق خطب سحر

الجدة بصدمة : ايش تقول خطبها كيف يخطبها وانت تبيها

عبد االمحسن بحيرة : ما ادري ما ادري تكفين جدتي حبيبتي ساعديني والله لو ياخذها لاقتله

الجده وهي معصبه : اقول والله ما احد ياخذ سحر غيرك وانا راسي يشم الهوى انت خل الموضوع علي قال يخطبها وولد عمها يبيها والله ماصارت

عبد المحسن : اكيد جدة

الجدة : الا اكيد سحر لك يعني لك انت روح نام في بيتكم الحين ولا تشيل هم الموضوع الحين صار عندي ولا يهمك شي

عبد المحسن ارتاح من كلام جدته : ياشيخه الله لا يحرمني منك

الجده ضحكت : ولا من العاشق اللي يسهر انصاف الليالي عشان حبيبته هههههههههه

عبد المحسن : هههههههههه يالله ان استأذن الحين تامريني بشي

الجده : لا تسلم اذنك معك بس لا تضيق خلقك

عبد المحسن : ان شاء الله

.................................................. ..................................

صباح جديد ويوم مشرق جديد

سوزي : اففففففففففففففف ياربي ما ابي اروح المدرسه

ام خالد : اقول قومي بس رايحه يعني رايحه

سوزي : يارب تنحرق المدرسه ويدونا اجازة سنه

ام خالد : الله واكبر اقول فزي بس يالله بسرعه لا تأخري اخوانك

سمر : صباح الخير

ام خالد : صباح النور

سمر : هاذي لسى ما صحت بنروح ونتركها اصلا هي مو وجه دراسه

سوزي : ايه احسن روحوا و اتركوني تكفين

ام خالد عصبت : اقول تقومي ولا قسم بالله تلقي شي ما لايسرك

سوزي قامت وهي تتأفأف : خلا ص قمنا ياربي ارحمني

دانه : صباح الخير ياحلوين وراحت تبوس راس مامتها

الكل : صباح النور

دانه : يووووووووووووه سوزي بتأخرنا كالعاده

سمر : ايه والله يبيلنا نوصلها اخر وحده عشان تتلطع الحصة الاولى موقوفه في الساحه عشان تتعلم

دانه : ايه والله

ام خالد : يالله تعالوا افطروا لا تتأخروا زيادة ما عاد فيه وقت

خالد : صباح الخير

الكل : صباح النور

خالد راح بكل صمت حب راس امه وجلس بكل هدوء و الضيق باين عليه

دانه : خلودي حبيبي ايش فيك

خالد ابتسم لانه الا دانه وسوزي ما يقدر يزعلهم لان ابوه موصيهم عليهم بالاسم : مافيني شي ها بشريني كيف الدراسه

ولا سوزي داخله : لا تسألها هاذي الكتاب مسجل في مخها

ام خالد : اقول صلي على النبي تعالي افطري بسرعه وانتي ساكته يالله مافي وقت

فهد : السلام عليكم

الكل وعليكم السلام

فهد : يالله بسرعه ترا اتأخرنا وانا عندي استاذ نحس الحصه الاولى يادوب اوصلكم

البنات قاموا بسرعه وراحوا مدارسهم وما بقى الا خالد وامه

ام خالد : خالد ما تبي تقولي ايش فيك

خالد : قلتلك يمه مافيني شي

ام خالد : انت متزاعل مع خديجة صح

خالد اتفاجأ كيف عرفت امه : هااااااا لالالالالالالا

ام خالد : لا تكذب علي انت متزاعل مع خديجه

خالد : ايه

ام خالد : وليش ايش صار بينكم

خالد ما حب يقول لامه الحقيقه : تعرفينها دوم تعاندني وانا مااحب احد يعاندني

ام خالد: ياولدي الحياة مو عناد كل شي يجي بالتفاهم شوي شوي على البنت تراها طيبة وتحبك

خالد ان شاء الله طيب ان بروح الحين الدوام تامرين على شي

ام خالد : الله معك

قام خالد وهو نازل من الدرج قابل محمد نازل بعد رايح الدوام

خالد : وينك ماجيت تفطر معنا

محمد : راحت علي نومه

خالد : اها خسارة كنت ابيك في موضوع

محمد : خير ان شاء الله

خالد : لا خلاص شكلك مستعجل خله لما ترجع من الدوام

محمد : لا لسى عندي وقت

خالد : طيب تعال نجلس في السيارة

ركبوا السيارة وجلسوا اثنينهم

خالد : اسمع ابي اقولك خبر مهم

محمد: خير

خالد : سحر انخطبت

محمد : ومين خطبها

خالد : توفيق ولد خال امي

محمد : طيب ونعم الرجل خلاص خله ياخذها ويفكنا منها

خالد : بس لسى الوالدة ما اخذت رايها

محمد : وكمان تاخذون رايها هاذي مو وجه الواحد ياخذ رايها خله ياخذها ويسترها ويفكنا من فضايحها

خالد : بس يامحمد ما يصير هذا زواج مانبيها يومين الا وهي راده لنا

محمد : الرجال كويس ومابه شي يعني ان شاء الله ماترد ياخي ولا عاجبك قعدتها كذا في البيت لاشغله ولا مشغله لين ما تجيب لنا فضيحه جديده

خالد اللي بدا يتذكر السالفه : قولتك كذا

محمد : طبعا ويالله انا بأروح الدوام

نزل محمد من السيارة وجلس خالد اسند راسه على مقعد السيارة وجلس يفكر بكلام محمد استرجع ذكريات هذاك اليوم المشؤم يوم كان واقف ينتظ عند بوابة الجامعة عشان يطلعون اخواته سحر و وداد الا وشوي تطلع وداد الحالها

وداد : السلام عليكم

خالد : وعليكم السلام وين سحر

وداد : ما لقيتها من اول جالسه ادور عليها وماني لاقيتها

خالد : امكن عندها محاضرة

وداد : ما ادري قابلت صحبتها ايمان وقالتلي انها شافتها من ساعه و امكن يكون عندها محاضرة

خالد : طيب ايش رايك اعزمك على الغدى لين تطلع تروح ناخذها

وداد بحماس : ياسلام واحد يكره

راحوا خالد ووداد واتغدوا في مطعم وبعد ساعة رجعوا الجامعه نزلت وداد تدور وتدور على سحر ومالقتها

وداد : خالد بصراحه ما لقيتها

خالد اللي بدا يخاف : كيف مالقيتيها

وداد : الحين الساعة ثلاثه وكل الموجودين بنات كلية العلوم واقتصاد منزلي مافي اداب وكل صحباتها روحوا ما لقيت احد

خالد عصب : كبف يعني مالقيتيها ارجعي دوريها زين

وداد : طيب طيب

وفي هالاثناء في بيت ام خالد جا اتصال من شخص غريب

محمد : الو

: السلام عليكم

محمد : وعليكم السلام

: هذا بيت **********

محمد : ايه نعم

: معك هيئة الامر بالمعروف و النهي عن المنكر

محمد خاف : خير ايش صاير

: اخوا سحر

محمد : ايه نعم

: طيب ممكن تتفضل عندنا اختك سحر موجوده عندنا

محمد : ليش ايش فيه

: انت تعال وراح تفهم كل شي

محمد : طيب طيب بس اي فرع

: فرع حي الجامعه

محمد " دقايق واكون عندكم

ام خالد : ايش فيه

محمد : ما ادري هاذي الهيئة تبينا تقول سحر عندهم

ام خالد خافت على بنتها : سحر طيب يالله بجي معك

محمد : يالله

توجه محمد وامه لمكتب الهيئة واتصلوا على خالد اللي لحقهم هو و ودادا ويوم دخلوا وقابلوا الشيخ كانت الصدمه بالنسبة للكل

: احنا لقينا اختكم مع مجموعه من البنات و الشباب واقفين عند عمارة شقق مفروشة

خالد : انت ايش قاعد تقول

: هاذي الحقيقه يا اخ خالد انتوا لازم تنتبهوا لبناتكم زين مو ترموهم في الجامعات وما تسألوا عنهم اذا ما عرفتم تربوهم زين خلوهم في البيت يساعدوا امهاتهم احسن

خالد اللي كانت الكلمات زي الخنجر في صدره: طيب ممكن نستلمها الحين

: ايه ممكن

اخذوا سحر وركبوا السيارة بكل هدوء الكل كان ساكت ولا احد تكلم

خالد : الحين راح نرجع البيت وبما ان جدة عندنا في البيت ما نبي فضايح قولوا انها اتضاربت مع وحوده من البنات عند بوابه الجامعة وماقدروا الامن يفكوهم واستعانوا بالهيئة

ام خالد والهم بيقتلها : ايه صح لو جدتكم درت العيله كلها راح تدري

خالد : وهاذي الحيوانه ما ابي اشوف وجهها ولا والله راح اقتها

ام خالد : ان شاء الله

وساد الهدوء الى ان وصلوا البيت سحر على طول طلعت تجري فوق وراحت لغرقتها وسكرت الباب وجلست تبكي من قلب على الظلم اللي ظلموها اياه رجال الهيئة

اما خالد ومحمد كل واحد راح غرفته وهم منكسين روسهم وام خالد جلست تحكي لامها الكذبة اللي اتفقوا عليها عشان ما تفضحهم

سمر صحت من صوت بكي سحر

سمر : سحر ايش فيك

سحر : الحقيني ياسمر

سمر : ايش فيك ايش صار

سحر وهي تتنهد وتتشاهق من البكى : اليوم طلعنا الساعه عشر انا و البنات نبي نروح نفطر و اول ما خرجنا من الجامعه لاحقتنا سيارة شباب و السواق الغبي يبي يضيعهم دخل في حارة من حواري الجامعه والشباب ورانا لين وصلنا لطريق كان مقفل فما قدرنا نرجع لان سيارة الشباب قفلت علينا والشباب نزلوا اول ما نزلوا طبت علينا الهيئة وكانت تحسب ان احنا مواعدين الشباب هناك لان كان قبالنا شقق مفروشة واتصلوا على اهلي وقالولهم ان حنا نا مع شباب عند الشقق

سمر كانت مصدومه بكل كلمه تقولها اختها هي تدري انهم احيان يطلعوا من الجامعه يفطروا لكن ابد ما توقعت ان الهيئة ممكن تكذب واللي جا على بالها على طول موقف اخوانها محمد وخالد

سمر : طيب محمد وخالد دروا بالسالفه

سحر : ايه

سمر مفجوعه : طيب ايش سولك

سحر : ولا شي عشان جده فيه

سمر : الحمدلله ربنا يحبك

ومن هذاك اليوم ما عاد صار فيه كلام بين محمد وخالد اللي ماصدقوا كلام سحر وصدقوا رجال الهيئة رغم ان الكل كان مع سحر ومصدقها الا هالاثنين اللي لسانهم ما يخاطب لسانها ولا يجتمعوا معاها في سفره وحده ابدا

رجع خالد للواقع تنهد من قلب بجد اشتاق لاخته لكن الله المستعان كل ما يحاول يلين محمد يقسيه عليها اكثر شغل سيارته وراح الدوام وبه من الهموم ما يشيب الرأس

.................................................. ....................


يتبع >>>