قصيدة تجنن

يــابنت أرجوك انا ما اقدر كفاني ماضي الغلطات
أخــــاف الله يعذبني وانــــا خـــواف يـــــابنـــيه

واخــــاف بساعة اللــذه يجينــا هادم اللــــذات
ويــاخذ من حشـــى جوفـــي بقايا روحي الحيه

أنا ليه ثمان اسنين وانا مدمن على الشـــهوات
ديار الــفـسق حاستــها مواطــي تحت رجلــيه

عــيوني من كبر همي تخلط الــدم والعبرااااات
مسيل الـــدمع من عيــني حفر بــالخد مــاريــه

صحــــيــح انك جميله بس تبنا من هوى الزينــــات
تركنا الحــب غصب وطوع للعين الشـــقاويه

يــابنت أنتي على بالك أباخذ من بنـــات الشـــات
أجل مجـــنون انا يابنت أشيل العقل بيـــديه

ترى اكبـــر شي يربطني معك جوال ابو شاشات
وهاتف ينقل اشـــواقي على نبرات سلكــــيه

وترى كل العلوم اللي عطــــيتك بالهوى كذبـــات
وحتى دمـــعتي يوم الفـــراق الصعب كذبيـــه

هذذاك اليوم ماهلت عيوني لجـــلك الدمـــعات
لأن الدمـــــع ماينــــثر بقصـــة حـــب وهمـــيه

أنا اضحك معك واضحك منك00عليك اكثر الضحكات
كأني بالهوى جني00 يعبي راس جنــــيه

وانا ماني بخكري يلبس القمصــــان00 والشرتــــات
ويفرح قلبــــه المسكين اذا حب الدوينيـــه

أنا من لابتن أروت ضمايا سيوفها الغــــزوات
خلايا جسمنـــا عاشت على دم القبيليه

ودهنتي شعرك الاسود بألون من الصبغـــات
وعيت تقبل الصبغـــه ملامحك الخليجيه

وحشرتي ردفك المسكين بالبنطال00 والجنزات
خلاقينن تــــصنعها مزاجــــات اليهــــوديه

عشاني ميت في ثغرك الاحمر أبو لمعــــات
تحسبيني أبرضخ لك لآن أشفاك ورديه

ورب الكون مأرضى فيك لو انك شيخة الحلوات
واذا صمل علي العلم أكـــب ارض الســعوديه

يابنت النــاس عزك في سوادن يستـــر العوراااااات
وعزي في شماغ أحمر 00 وثوب ابيض 00 وطاقيه

سعوديين نفخـــر في عبايااات السعـــوديــات
نغض الطرف أجلالَ اذا شفــــنـــا الســعوديه

وسلامتكم

الله يسلمكـ

نورت

النور بوجهك

قصيده ولا اروع من يد روعه الله لا يحرمنا من هيكـ ابداع
عطاك ربي الف عافيه

لاعدمناااك

قصيده ولا ارووع

ابدااع بجد
ننتظر ابداعاتك وكل جديدك
سلااام